Babai i Elon Musk, Errol, ka pohuar se ai ka një fëmijë të dytë me thjeshtrën e tij 35-vjeçare. Në një intervistë për “The Sun”, Errol Musk u shpreh se Jana Bezuidenhout, 41 vite më e vogël se ai, ka sjellë në jetë një vajzë tre vjet më parë.
Errol ka qenë i martuar me nënën e Jana-s, Heide, për 18 vite dhe kanë së bashku dy fëmijë. Ai ka thënë për “the Sun” se fëmija i tij i dytë me Jana-n ishte i “paplanifikuar”. Ai ka shtuar se jetonte me të që pas lindjes së djalit të tyre.
“Nuk e kam kontrollua ADN-në e saj. Por ajo duket njësoj si vajzat e mia të tjera. Ajo duket si Rose dhe Tosca. Madje duket njësoj si i vëllai, Rushi, dhe sillet si ai. Ajo nuk ishte e planifikuar. Por dua të them, ne jetonim së bashku. Jana qëndroi këtu për rreth 18 muaj pasi lindi Rushi. Ajo ishte ndoshta një nga femrat më të bukura që kam parë ndonjëherë në jetën time”, ka thënë Errol, i cili më pas ka shtuar se nuk jeton as më Jana-n, por “kanë shumë dashuri për njëri-tjetrin”- ka thënë babai i Elon Musk.
