Prokurori i Përgjithshëm, Olsian Çela gjatë fjalës së tij në Kuvend deklaroi se qarku me përqindjen më të lartë të kriminalitetit në vitin 2021 ka qenë Vlora.
“Përqindjen më të ulët të kriminalitetit për 100 mijë banorë edhe në vitin 2021 e ka qarku Dibër, ndërsa përqindjen më të lartë e ka qarku i Vlorës. Veprat penale kundër rendit dhe sigurisë publike përbejnë numrin më të lartë të procedimeve penale, me 28.8% të numrit të përgjithshëm, 9.62% rritje më një vit më parë”, u shpreh kryeprokurori teksa prezantoi raportin e institucioni që drejton për vitin e kaluar.
Cela nënvizoi se ka rritje të disa veprave penale gjatë 2021 në krahasim me vitin 2020.
Sa i përket krimeve zgjedhore, kryeprokurori tha se janë dënuar 46 persona.
