Nënkryetari i PD, deputeti Oerd Bylykbashi, tha se me 7 korrik shqiptarët dolën në shesh kundër Edi Ramës, ndërsa shtoi se kjo protestë tregoi se ku është opozita dhe ku është graviteti i saj.
Në emisionin “Open”, Bylykbashi tha se deputetët e PD do ti bashkoheshin demokratëve dhe popullit opozitar në shesh dhe për mesazhet që u përcollën. Ai tha se kjo protestë ishte mëse e nevojshme, pasi u dha mesazhi i një beteje të opozitarizmit kundër Qeverisë së Edi Ramës.
“Demokratët janë te mekanizmi i ri drejtues i PD. Deputetët kanë marrë vendimet e tyre nëse do i bashkoheshin ose jo protestës. Me 7 korrik ka nisur qartazi beteja e opozitës kundër Qeverisë”, tha Bylykbashi.
Sipas tij, protesta me atë qetësi përcolli edhe më bukur mesazhet që pati dhe mendoj se të gjithë janë të bindur se opozita është kjo.
