Kreu demokrat, Sali Berisha, tha nga salla e Kuvendit se Qeveria nuk pyet për shkencën, pasi e ka mendjen si të vjedhë pronat publike, si të shpopullojë vendin dhe si të varfërojë shqiptarët.
Madje Berisha u shpreh se standardi i kësaj qeverie është vjedhja, e cila i shumëfishon suksesin 600 herë, ndërsa Belinda Balluku emëron si drejtor të rrugëve këshilltarin e saj, pikërisht për këtë sukses.
“Si ka mundësi që i ndaluat doktoratat 8 vite në universitete? E dini çdo të thotë t’u ndalosh studiuesve doktoratën?
Çfarë kërkimi shkencor do të bëjnë ata për tezat e tyre që duhet të zhvillojnë? E keni kryekëput për të vjedhur. Po çfarë kërkimi shkencor keni nevojë të bëni ju kur keni shpikur nga laboratori i qeverisë rritjen me 600 herë të fitimit në 4 muaj?
A ekziston kund në botë një standard i tillë? Shikoni ku ju shkon vjedhja ju, me vjedhje ju shumëfishoni me 600 herë suksesin.
Dhe për meritë, nga këshilltar i Ballukut bëhet drejtor i Përgjithshëm i Rrugëve tjetri. Keni ju interesa për shkencën? Absolutisht vetëm për të vjedhur”, tha Berisha.
