Tirana u eliminua nga Champions League dhe pas ndeshjes ka folur trajneri Orges Shehi. Në Supersport durrsaku deklaroi: “E filluam ndeshjen shumë mirë, dolëm para portës.
Ky eliminim është çështje përvoje. Morëm gola të lehtë dhe u bë gjithçka më e vështirë. Kundërshtari është vit për vit aty. Kur pëson gol, skuadra e ka të vështirë, nuk dua të përmend individë të veçantë.”
“Na duhen përforcime, e kemi thënë shpesh. Duhen lojtarë që të jetë organika e plotë kur dëshiron të ndryshosh diçka. Duhet patjetër të përforcohemi, e kemi imediate”.
“Kur pëson gol, dëmtohet ana psikologjike. Diferencën në këto kompeticione e bëjnë detajet. Kundërshtari luan çdo vit në nivele të tilla. Në Champions nuk duhet t’i japësh asnjë shans kundërshtarit, golat që kemi pësuar kanë qenë të evitueshëm”.
“Skuadrës i thashë pas ndeshjes që të ngrejë kohën, eliminimi erdhi për shkak të eksperiencës. Nuk duhet të jemi në presion, duhet të përqendrohemi në ndeshjen e radhës dhe jo të mendojmë për grupet. Skuadra duhet të mbledhë mendjen, që bëri maksimumin dhe detajet e vogla t’i përmirësojë në ndeshjet e radhës”, tha Shehi.
