Futbollisti i njohur shqiptar, Bernard Berisha, është bërë baba për herë të dytë. Ai dhe bashkëshortja e tij janë bekuar me një djalë.
Lajmin e ka bërë të ditur vet bashkëshortja e tij, Hashime Berisha, përmes disa fotografive të publikuara në Instagram.
Ajo ka shfaqur momentet e para pas lindjes, ku çifti kanë marrë në krahë të birin e porsalindur. Sakaq, ka zbuluar edhe emrin e veçantë që i kanë vendosur, Ezan.
“Mirë se na erdhe në jetë Ezan Berisha, 12.07.2022. Mami, babai dhe Diari të duam shumë”, ka shkruar Hashimja krahas fotove.
Sa i përket futbollit, aktualisht Berisha është lojtar i lirë, për shkak se FIFA u ka dhënë leje lojtarëve që luajnë në Rusi dhe Ukrainë t’i shkëpusin kontratat me klubet e tyre përkatëse, për shkak të pushtimit rus në Ukrainë.
