Cila do të jetë e ardhmja e Robert Lewandowskit? Është një nga pyetjet që shumë tifozë duan të dinë përgjigjen dhe për momentin nuk ka një të tillë.
Tifozët e Bayern Munich nuk e dëshirojnë largimin e polakut nga skuadra e tyre, nga ana tjetër ata katalanas kërkojnë 33-vjeçarin për të siguruar gola.
Leva të Barça është një ekuacion që shumë shpejt pritet të marrë një zgjidhje, pasi katalanasit tashmë kanë dorëzuar në zyrat e kampionëve Gjerman edhe ofertën prej 50 milionë eurosh.
Tanimë në “Camp Nou” presin përgjigjen e Bayen për këtë transferim, i cili tashmë është shndërruar në “ëndrrën” e katalanasve.
Por për t’i hedhur edhe pak benzinë zjarrit, ka menduar gruaja e sulmuesit polak, Anna, e cila është pyetur nga ndjekësit nëse familja e saj do të transferohet në Barcelona.
“Do të doja shumë ta dija dhe un”, është përgjigjur bashkëshortja e Lewandowskit.
