Një 40-vjeçar shqiptar i shpallur në kërkim ndërkombëtar është arrestuar nga karabinierët në Itali.
Mediat e vendit fqinj raportojnë se shqiptari ishte dënuar nga Gjykata e Tiranës me 25 vjet burg për vrasje, arfmëmbajtje pa leje e grabitje.
Burri ishte në kërkim që prej vitit 2000, kur pas një grabitjeje në Shqipëri kishte vrarë një bashkëqytetar dhe më pas ishte zhdukur.
Që prej asaj kohe, ai fshihej në Itali, nën gjeneralitete të rreme. Ai është arrestuar pas hetimeve të autoriteteve italiane, në bashkëpunim me ato shqiptare, dhe pritet ekstradimi i tij drejt Shqipërisë për vuajtjen e dënimit.
