Kristjan Asllani ka filluar të përshtatet menjëherë te skuadra e Interit. Nëse në testin e kaluar shënoi një gol, sot ai ka dhuruar një assist në miqësoren që po luhet ndaj zviceranëve të Luganos.
Që në minutën e 3-të, mesfushori kuqezi dërgoi një krosim fantastik për Danilo D’Ambrosion, i cili nuk fali me kokë. Kalimi i Asllanit te nënkampionët e Italisë ka qenë dëshirë kryesore e Inzaghit, me trajnerin e zikaltërve që sheh te ai një djalosh mjaft të talentuar.
