Këngëtari i famshëm R. Kelly është dënuar për dhunë seksuale ndaj vajzave të mitura dhe njëra nga vajzat e dyshuara është e fejuara e tij.
“Emri im është Joycelyn Savage dhe unë jam e fejuara e Robert Kelly-t”, i tha 26-vjeçarja gjykatëses Ann Donnelly më 13 qershor në letrën, e siguruar nga Page Six.
“Po e shkruaj këtë letër në mbështetje të Robert përpara dënimit të tij, kështu që mund t’i shpjegoj gjykatës se nuk jam viktima që më ka paraqitur qeveria. Robert nuk është përbindëshi që ka përshkruar qeveria,” shtoi ajo. “Roberti që unë njoh është shumë i ëmbël, i butë dhe i sjellshëm. Ai është siguruar gjithmonë që të kujdeset për mua, si dhe për çdo grua tjetër me të cilën ka qenë.”
Këngëtarja gjithashtu mohoi akuzat e bëra për yllin e të R&B, duke shtuar se “gjërat që janë thënë për të, për mua dhe gra të tjera të mbajtura kundër vullnetit tonë janë absolutisht të pavërteta. Roberti dhe unë jemi thellësisht të dashuruar dhe më thyhet zemra që qeveria trilloi një histori sikur unë jam viktima. Unë jam një grua e rritur dhe mund të flas për veten time, prandaj doja t’i jepja gjykatës këtë letër”.
