Babai i Oprah Winfrey, Vernon, ka vdekur vetëm disa ditë pasi ajo tha se familja ishte mbledhur për ta nderuar babanë e saj.
“Dje me familjen që rrethonte pranë shtratit, pata nderin e shenjtë të shihja njeriun që më dha jetën, duke marrë frymë për të fundit herë. Ne mund të ndjenim se si Paqja hyri në dhomë pas vdekjes së tij,” shkroi Winfrey në postim.
Vernon Winfrey ka lindur në vitin 1933. TMZ raportoi se Vernon, 88 vjeç, i cili zotëronte dhe drejtonte “Winfrey Barber & Beauty Shop” për më shumë se 50 vjet, vdiq pas një beteje me kancerin të premten mbrëma.
Në fillim të kësaj jave, Oprah Winfrey tha në Instagram se familja kishte planifikuar një festë ‘barbekju” surprizë , Dita për të Nderuar Vernon Winfrey, në oborrin e shtëpisë me miqtë, pasi ai ishte i sëmurë. Festa, që kishte për qëllim t’i jepte babait të saj “lulet, përsa kohë ishte mjaft mirë për t’i nuhatur ato”, përfshiu një sërë të ftuarish, miq të ngushtë, si Gayle King dhe këngëtarja e ungjillit Wintley Phipps, që kënduan “Precious Lord” për Vernon Winfrey ndërsa ai rrinte ulur në një karrige berberi – një përkujtim i profesionit të tij prej më shumë se 50 vjetësh.
Gjatë festës, Winfrey e vlerësoi babanë e saj si personin që e mësoi atë për etikën e punës, duke vënë në dukje se babai i saj rrallë e mbyllte biznesin e tij për pushime.
