Gjuhëtari, Mehmet Elezi, thotë se gjuha shqipe është një element thelbësor identifikimi për shqiptarët dhe nëse humb ajo nuk ka më shqiptarë.
Elezi: Nëse pyet një grek ai thotë jam ortodoks, kur pyet një turk çfarë je ti thotë jam mysliman, kur pyet një shqiptar çfarë je ti thotë jam shqiptar. Pra identifikohen nga gjuha. Elementi thelbësor për tu identifikuar si shqiptar është gjuha shqipe. E humbëm këtë nuk ka shqiptarë më.Elezi futet në grupin e gjuhëtarëve që kërkojnë ruajtjen e standardit aktual por të vitalizohet. Këtë e deklaroi në emisionin “Drejt” në Rtv Ora.
Elezi: Pikëpamja ime ka qenë dhe mbetet e tillë që le të ruajmë këtë standard por ky standard duhet vitalizuar. Jemi në një realitet tjetër. Shqiptarët më përpara nuk flisnin dot me një kosovar, tani hyjmë dhe dalim në Kosovë, pothuajse jemi shkrirë. Gjuha shqipe të pasurohet me gjitha vlerat thelbësore që ka.Vlerat e gegnishtes ishin përgjithësisht të përjashtuara. Kjo gjuhë mbrohet më mirë duke e hapur në mënyrë shkencore jo duke e lënë rrëmujshëm që të futen zhargone, gjithësecili në kokë të vet siç po ndodh mjerisht në shtyp dhe mes politikanëve. Gjuha po shkapërderdhet dhe nëse nuk gjendet një mënyrë që ta integrosh gjithë pasuritë e qenësishme, të futen në standardin ekzistues në mënyrë shkencore.
