Sodiq Atanda zyrtarisht është një lojtar i Egnatias. 28 vjeçari nga Nigeria pas tre vitesh rikthehet në Superligën shqiptare, duke forcuar qendrën e mbrojtjes së rrogozhinasve.
Më herët në Shqipëri Atanda ka veshur fanellat e Apolonisë dhe Partizanit, ndërsa me Demat u shpall kampion në 2019. Pas largimit nga Shqipëria, mbrojtësi ka luajtur në Kosovë, Izrael dhe Oman.
Përpara nisjes për në Ohër, skuadra e Egnatias ka prezantuar zyrtarisht Atandën.
“Klub Futboll Egnatia njofton se ka arritur të nënshkruaj kontratë me qendërmbrojtësin Nigerian Sodiq Atanda.
I cili e njeh mjaft mirë kampionatin Shqiptar ku ka luajtur me disa skuadra. Atanda është bashkuar menjëherë me grupin duke u nisur drejt Maqedonisë për të zhvilluar fazën përgatitore”, njofton Egnatia.
