- Çfarë përmban marrëveshja me Kishën Serbe dhe sa rrezikon Abazovic?
Qeveria malazeze po përballet me mundësinë e zgjedhjeve të parakohshme pas vendimit të kryeministrit me origjinë shqiptare Dritan Abazovic, për të nënshkruar një marrëveshje themelore me Kishën Ortodokse Serbe, dy ditë më parë.
Marrëveshja është kundërshtuar prej kohësh nga partia më e madhe në qeveri, Partia Demokratike e Socialistëve (DPS) – e drejtuar nga presidenti malazez Milo Đukanović, i cili hoqi dorë nga mbështetja kundrejt Abazovic menjëherë pas nënshkrimit të marrëveshjes, duke bërë thirrje për mbajtjen e një mocioni mos-besimi kundër tij.
- Orari ideal për të postuar në Facebook, Instagram dhe Twitter
Sipas studimeve më të fundit, pandemia ka krijuar një rutinë të re mes përduresve të rrjeteve sociale duke ndryshuar kohët e ditës gjatë të cilave ata janë më aktivë online.
Rrjetet sociale e nisën vitin 2022 me rreth 4 miliardë përdorues dhe në një kohë që 71% e konsumatorëve shprehen se i bëjnë blerjet e tyre online, koha kur ne postojmë – qoftë për bizneset por edhe për për përdoruesit e rregullt – është ajo që mund ta bëjë një postim të shkelqejë ose jo.
- Shqipëria ofroi 3 baza për NATO-n, i miratuar vetëm projekti në Kuçovë
Shqipëria prej 2014 i ka ofruar NATO-s disa baza ku të vendosen forca të saj. E para ishte baza ajrore e Kuçovës, por për të arritur te projekti konkret u deshën 8 vite.
Në janar të 2022 nisi puna për rikonstruksionin e bazës me një investim rreth 50 milion euro. Në maj të këtij viti kryeministri Edi Rama hodhi idenë se kishte ardhur koha që shqipëria ti jepte NATO-s një bazë detare.
Deri tani ajo është proces vlerësimi nga ana e struktura të aleancës. Ka një dakordësi në parim, por vlerësimi përfundimtar mund të dojë shumë kohë deri në konkretizimin e projektit dhe fondit që duhet për ta rindërtuar.
- Ndryshimi në 10 vite| Pronat, 60% më shtrenjtë
Çmimet e pasurive të paluajtshme në vend janë rritur me 60% në 10 vite. Norma është më e lartë se në Bashkimin Europian, ku rritja është shënuar 45%.
Në vitin 2013 një banesë në Tiranë kushtonte 62 mijë euro, ndërsa çmimi i saj sot ka arritur 100 mijë euro. Vlera e saj është rritur me rreth 60% në një dekadë, ndërsa ndërtimi është bërë sektori kryesor i rritjes ekonomike në vend. Të dhënat ilustrohen sipas `Indeksit Fischer` të Bankës së Shqipërisë, një nga treguesit zyrtarë që matin ecurinë e çmimit të banesave në kryeqytet dhe në rrethe.
- Armët e bëra në shtëpi, një prej tyre vrau ish-kryeministrin japonez
Vrasja e ish-kryeministrit japonez Shinzo Abe duke përdorur një armë të punuar me dorë ka ringjallur vëmendjen rreth armëve të zjarrit që mund të montohen në shtëpi nga pjesë individuale ose duke përdorur printera 3D.
Vitet e fundit ka pasur disa raste të njerëzve të arrestuar për prodhimin e armëve të zjarrit në mënyrë të paligjshme – zakonisht me ndihmën e printerëve 3D – jo vetëm në Japoni, por në vende të tjera të zhvilluara.
