E ardhmja e Robert Lewandowskit mbetet ende e gjitha për t’u vendosur. Sulmuesi polak ka kërkuar prej kohësh largimin nga Bayerni për t’u transferuar te Barcelona, e cila rrezikon ta humbasë garën për sulmuesin për shkak të Chelseat.
Sipas raportimeve nga “Goal”, londinezët kanë shtuar kontaktet në orët e fundit me agjentin e lojtarit duke parë edhe situatën me Barcelonën që nuk po arrin dot të gjejë akordin me Bayernin për mbylljen e marrëveshjes.
Edhe vetë sulmuesi polak duket të jetë lodhur nga qëndrimi në pritje dhe kështu ka vendosur të negociojë edhe me anglezët me shpresën se Barcelona do të rivihet në lëvizje për shkak të mundësisë për ta humbur.
