Një ngjarje tragjike ndodhi mesditën e sotme në fshatin Lofkënd të Mallakastrës, aty ku dy tw rinj, Besnik Veliaj, 38 vjeç, dhe Bledar Bregu, 33 vjeç, hyn të pastronin pusin e ujit, por mbetën të bllokuar brenda, ku fatkeqësisht 38-vjeçari ndërroi jetë.
Syri TV ka sjellë dëshminë e motrës së 33-vjeçarit Bregu, i cili ndodhet në spital në gjendje të rëndë shëndetësore.
E përlotur dhe në gjendje të rënduar psikologjike, Enkelejda Banaj thekson se vëllai i saj ishte shok me viktimën dhe të dy bashkë kishin hyrë për të pastruar pusin.
‘Çfarë të them unë e shkreta, unë erdha nga Patosi sot, çfarë të them. E hapën pusin për të vaditur tokat. Ata ishin shokë, ishin të dy beqarë. Mami njoftoi burrin tim në Patos dhe erdhëm. Ishin futur për të pastruar pusin’, rrëfen e motra e 33-vjeçarit.
