Një 67-vjeçar i deklaruar i zhdukur nga familja e tij është gjetur i pajetë në fshatin Vidhishtë të Roskovecit. Policia bën me dije se viktima me inicialet B.B. dyshohet të jetë mbytur në një kanal me ujë.
“Sot më datë 09.07.2022, në fshatin Vidhishtë, Roskovec, është gjetur pa shenja jete, dyshohet i mbytur në një kanal me ujë, shtetasi B. B., 67 vjeç, banues në Roskovec. Nga këqyrja paraprake e trupit të 67-vjeçarit, nuk konstatohen shenja dhune”, njofton policia.
“Ky shtetas është shpallur në kërkim më datë 07.07.2022, nga Komisariati i Policisë Fier, për largim nga banesa”, thuhet më tej në njoftim.
