Katër persona besohet se janë plagosur sot pas një sulmi me thika brenda spitalit në Shangai.
Policia në Huangpu ka rrethuar zonën, pas raportimeve për këtë sulm me mjete të mprehta. Oficerët gjetën në vendngjarje autorin, që mbante disa persona peng.
Autoritetet thanë se agresori mbante peng në katin e shtatë të spitalit disa njerëz, raportojnë mediat ndërkombëtare.
Motivet e këtij sulmi janë akoma të paditura. Në rrjetet sociale kanë dalë pamje nga situata kaotike e krijuar nga ngjarja e rëndë.
Sulmet me shumë persona të vdekur apo të lënduar janë të rralla për Kinën, pasi në këtë vend ndalohen armët e zjarrit me ligj, por sulmet me thika ndodhin më shpesh.
