Një 27-vjecar shqiptar është dënuar në Britaninë e Madhe për trafikimin e emigrantëve klandestinë.
Floreand Lika, me banim në Portsmouth është dënuar sot me katër vjet e katër muaj burg, nga gjykata britanike, shkruajnë mediat në gjuhën angleze.
Gjykata e gjeti të riun shqiptar fajtor dhe e akuzoi se është përgjegjës për organizimin e shqiptarëve që do të hipin në anije në Francë e më pas të silleshin për në Britani.
Ai ishte në kontakt në telefon gjatë dy udhëtimeve me një nga tre persona të tjerë, të dënuar në fillim të këtij viti për rolin e tyre në sjelljen e njerëzve në vend ilegalisht.
Më 19 mars 2020, një anije që kishte udhëtuar nga Cherbourg në Francë mbërriti në East Coues Marina në Hampshire me 12 persona të tjerë që dyshohet se kanë qenë emigrantë që kanë hyrë ilegalisht në Britani. Midis 26 qershorit dhe 27 qershorit 2020, një tjetër varkë e vogël u kap pas një operacioni të përbashkët ms autoriteteve britanike dhe franceze. Gjashtë shqiptarë u gjetën në bord.
Lika u deklarua fajtor për komplot për të bërë një veprim për të lehtësuar kryerjen e një shkeljeje të ligjit të imigracionit në Mbretërinë e Bashkuar nga një person jo i BE-së. Lika u arrestua më 14 qershor pasi ishte shpallur në kërkim.
