Max Verstappen me Red Bull siguroi “pole position” sot pasdite në pistën e Spielberg, ku nesër do të zhvillohet gara “sprint” e Austrisë. Provat zyrtare zhvilluar sot pasdite përcaktuan radhën e nisjes për garën e nesërme, 100 kilometra e gjatë.
I dyti u rendit Charles Leclerc me Ferrari, që do ta nisë garën nga vija e parë e startit. Në vendin e tretë spanjolli Carlos Sainz me makinën tjetër Ferrari. Pas dy makinave “kokëkuqe” u klasifikua meksikani Sergio Perez me Red Bull.
Interesant fakti se në sesionin e tretë të provave zyrtare, të dy pilotët e Mercedes bënë aksident, fillimisht me Hamilton (i nënti) e më pas Russell (i pesti). Mirë u paraqitën dy makinat Haas, me Magnussen e Schumacher, që kanë pas Fernando Alonso.
