Ylli i ri i Barcelonës, Pedri do të mbajë fanellën me numrin tetë në sezonin e ardhshëm, e cila në të kaluarën ka qenë në pronësi të një ikone si Andres Iniesta.
Barcelona publikoi lajmin në faqen e saj zyrtare me përshkrimin se një “epokë e re” po fillon.
“Fillon një epokë e re. Pedri, numri tetë”, thuhet në profilin zyrtar të Barcelonës në Twitter.
I ardhur nga Las Palmas si shpresa e madhe e futbollit , mesfushori i bëri të gjithë të bien dakord në vetëm pak javë të Barça, madje duke i hapur dyert kombëtares spanjolle.Tani, dhe pavarësisht problemeve fizike vitin e kaluar, Pedri është pjesë e kyçe e skuadrës blaugrane.
