Elon Musk ka konfirmuar lajmin se ai dhe Shivon Zilis kanë mirëpritur binjakë në nëntor 2021.
“Duke bërë çmos për të ndihmuar krizën e nën-popullimit. Rënia e nivelit të lindjeve është rreziku më i madh me të cilin përballet qytetërimi. Shënoni fjalët e mia, ato janë fatkeqësisht të vërteta”– u shpreh Musk.
Dokumentet e siguruara treguan se Musk zgjeroi familjen e tij me Zilis, një nga drejtueset e tij më të lartë, në nëntor 2021. Raportohet se Musk dhe Zilis paraqitën një kërkesë për të ndryshuar emrat e binjakëve në mënyrë që të kenë mbiemrin e babait të tyre dhe të mbajnë mbiemrin e nënës së tyre si pjesë e emrit. Urdhri thuhet se u miratua nga një gjykatës në Austin, Teksas, në maj, megjithëse emrat e fëmijëve mbeten të panjohur.
Binjakët erdhën në jetë disa javë përpara se këngëtarja kanadeze Grimes të njoftonte se ishte bërë nënë e një vajze me Musk përmes një nëne surrogate. Çifti i kishte dhënë fund lidhjes së tyre në shtator dhe për shtatzëninë nuk dihej publikisht në atë kohë.
Elon është babai i 10 fëmijëve gjithsej.
