Aktorja e famshme Hayden Panettiere ka zbuluar se luftoi me një varësi prej vitesh ndaj opioideve dhe alkoolit derisa rrezikonte të humbte mëlçinë. Aktorja 32-vjeçare dhe nënë e një fëmije foli për betejat e saj të gjata ndaj varësisë në një intervistë të re me revistën People, duke zbuluar se abuzimi i saj me drogën filloi kur ajo ishte vetëm 15 vjeç dhe më pas doli jashtë kontrollit teksa ajo po luftonte me depresionin pas lindjes së vajzës së saj Kaya në 2014.
“Ndërsa u rrita, droga dhe alkooli u bënë diçka pa të cilën pothuajse nuk mund të jetoja,”-rrëfeu Panettiere, duke zbuluar pse mori vendimin që vajza e saj të largohej për të jetuar me babanë e saj, Wladimir Klitschko, në Ukrainë.
“Unë kisha lëkundjet kur të zgjohesha dhe mund të funksionoja vetëm duke pirë alkool. Të largoja vajzën ishte gjëja më e vështirë që duhej të bëja ndonjëherë. Por unë doja të isha një nënë e mirë për të”-tha ajo.
