Boris Johnson do të japë dorëheqjen sot si kryeministër, pasi më në fund po i “nënshtrohet” presionit të dorëheqjeve të një morie të kabinetit qeveritar.
Një burim nga qeveria tha se Johnson kishte folur me kryetarin e Komitetit të Mbështetjes Konservatore të 1922, Sir Graham Brady dhe ra dakord të largohej, me një udhëheqës të ri konservator që do të vihej në vend nga konferenca e partisë në tetor.
“Kryeministri do të bëjë një deklaratë për vendin sot.”-tha një zëdhënës.
Konfirmimi erdhi menjëherë pasi sekretarja e tij e sapoemëruar e Arsimit, Michelle Donelan dha dorëheqjen pas 36 orësh në post dhe kancelari Nadhim Zahawi i tha kryeministrit “shko tani“.
Sekretari i Mbrojtjes Ben Wallace gjithashtu konfirmoi se kishte tërhequr mbështetjen e tij për kryeministrin dhe më herët, Sekretari i Irlandës së Veriut Brandon Lewis dha dorëheqjen nga posti i tij. Ai pason presionin e fortë nga kolegët e partisë, me dhjetëra dorëheqje brenda qeverisë nga niveli i kabinetit e poshtë.
