Tirana zhgënjeu në aktin e parë të Champions League, pasi është mposhtur 1-0 në Luksemburg nga vendasit e Dudelange.
Kampionët e Shqipërisë nuk kanë arritur që të tregojnë vlerat e tyre më të mira dhe u ndëshkuan nga një gol i marokenit Hasan në pjesën e dytë, që ka vulosur fatin e këtij takimi.
Për sa i përket statistikave, bardheblutë ishin dominues për sa i përket përqindjes së topit, 55% me 45, ndërkohë që regjistruan 1 gjuajtje në portë, nga 5 në total, gjatë gjithë ndeshjes. Ndërkohë që Dudelanzh, arriti të regjistronte 10 gjuajtje në total, 6 prej tyre shkuan në kuadrat.
