Nënkryetari i LSI-së, Petrit Vasili ka bërë thirrje që të largohen nga qeverisja si kryeministri dhe të gjithë pjesëtarët e qeverisë.
Vasili përmes një postimi në rrjetin e tij sociale Facebook thotë se nuk ka me kryeminister dhe qeveri të ligjshme, por një grup mafioz politik, që ka zaptuar qeverisjen, kryeministri dhe qeveria duhet të largohen menjehërë, ata janë sot nën akuze direkte për vjedhjen më të madhe të fondeve publike.
Nënkryetari i LSI-së rëndit një serë vjedhjesh sipas të cilit janë bërë nga qeveri dhe personat të cilët janë pjesë e maxhorancës.
Postimi i plotë:
Të largohet menjëhere Kryeministri dhe Qeveria, fajet e tyre i di gjithe populli!!
Që nga dje nuk ka me Kryeminister dhe Qeveri të ligjshme, por një grup mafioz politik, që ka zaptuar qeverisjen.
Kryeministri dhe Qeveria duhet të largohen menjehërë, ata janë sot nën akuze direkte për vjedhjen më të madhe të fondeve publike.
Kryeministri dhe qeveria të largohen dhe ti hapet menjehere rruga drejtesisë, që të veprojë.
Kryeministri dhe qeveria të largohen menjehëre sepse vjedhja e tyre është tashme e provuar botërisht dhe me fakte asgjesuese që nga:
Vjedhja me Incineratorët ku miliona e miliona euro jane vjedhur me cdo lloj forme, me kompani te rreme, me evazion dhe me vjedhje direkte me mbeshtetjen me perkrahjen dhe me mbrojtjen e Kryeministrit dhe qeverise qe ju dslin per zot vete atyre.
Vjedhja me rruget me tendera, qe jepen me 99% dhe me fonde, qe fryhen ne menyre mafioze me dy dhe trefish duke grabitur miliona e miliona euro te tjere.
Vjedhja me tenderat e energjise ku miliona e miliona euro jane grabitur e grabiten dhe ku faktet ulërasin.
Vjedhja me tenderat e shëndetesisë deri edhe me dhjetë fishin e çmimit edhe në kohë pandemie e duke grabitur miliona euro.
Vjedhja me ujësjëllset me dhjetra miliona euro anë e mbane vendit.
Të largohet Kryeministri dhe Qeveria që çdo ditë vetëm vjedhin dhjetra miliona euro me koncesione e PPP të faktuara botërisht, që vetëm grabisin fonde publike dhe nuk sjellin asnjë të mirë.
Përgjegjësia bie mbi Kryeministrin të parin si dhe çdo minister dhe nga kjo ata nuk shpëtojne dot, pasi faktet janë shumë të rënda, janë publike dhe I di gjithë populli.
Fakte të tjera do të vazhdojnë të dalin.
Të largohet Kryeministri dhe Qeveria, që vetëm mashtrojnë ashtu sic bënë dikur me drogën që mbuloi vendin, e ku ish Ministri i Brendshëm ndodhet në burg, megjithëse Qeveria gënjente e thoshte se asgjësuan 99% të drogës.
Ashtu edhe sot vazhdojne dhe gënjejnë megjithëse janë kapur me presh në dorë dhe i gënjen mendja dhe mendojnë se i beson kush.
Faktet janë sheshit, shumë të qarta dhe asgjesuese dhe Ministrat e kësaj qeverie i pret fati i ish Ministrit të Brendshëm apo i ish Ministrit të Mjedisit etj, ta mbajnë mirë në mendje dhe le të mos e harrojnë këtë.
Kryeministër e qeveri largohuni, s’keni asnjë rrugë tjetër, çdo vonesë vetëm jua rëndon edhe me keq fundin tuaj.
