Tre të vdekur dhe tre të plagosur ishte bilanci nga përplasja me armë zjarri mes dy familjeve shqiptare në Athinë, ditën e shtunë,( 2 korrik).
Shkak i përplasjen sipas medieve greke ishte prishja e pazareve të drogës.
3 prej viktima dhe një nga të plagosurit ishin shqiptarë, ndërsa 2 të plagosurit e tjerë ishin efektivë të policisë grekë.
Konkretisht të vrarë mbeten Adil Tefa nga Korça 48 vjeç dhe Gëzim.A 46 vjeç.
Sipas mediave greke, 46-vjeçari shqiptar që u qëlluar dhe më pas u godit me me makinë ishte arrestuar shtatë herë për krime që varionin nga trafiku i drogës deri te grabitja dhe posedimi i armëve, ndërsa 48 vjeçari i armatosur gjithashtu ishte i dënuar por për krime më të lehta.
Tashmë policia greke e ka të qartë se çfarë ka ndodhur në ‘Kato Patisia’ në qendër të Athinës.
Dy viktimat shkuan në rrugën Kourtidou për të ‘biseduar’ të armatosur.
46 vjeçari besonte se Adil Tefa e kishte tradhtuar dhe se bashkëjetesa e tyre në të njejtën bandë ishte e pamundur.
Njëri prej tyre duhej të vritej.
Por më në fund të dy u vranë ndërsa një i tretë e pagoi me jetë ‘pastrimin’ brenda bandës.
Nga nëntë persona që morën pjesë në gjakderdhjen, tre kanë vdekur dhe gjashtë të tjerë janë arrestuar dhe po hetohet përmasat e përfshirhes së tyre.
Gjithashtu policia greke po kërkon të gjejë kokat e mëdha që komandojnë bandat shqiptare të drogës që po pushtojnë Athinën së fundi të cilë kanë hapur një cikël të përgjakshëm pastrimi, shkruan media helene Prothema.gr.
