Kreu i Partisë Demokratike, Sali Berisha, i ftuar në emisionin ‘Çim Peka Live’ teksa komentoi aferën korruptive të inceneratorëve, tha se do bëjë gjithçka që Rama të mos ‘mbijetojë’ më në krye të qeverisë.
Berisha u shpreh se Rama synon vetëm vjedhjen dhe pasurimin e zyrtarëve të tij duke varfëruar kështu qytetarët shqiptarë.
“Nga një seri zhvillimesh dramatike, të cilat de fakto kanë rrëzuar Kushtetutën e vendit, kanë rikthyer monizmin e plotë i cili është i papajtueshëm me demokracinë dhe demokracia në kushte monizmi nuk ekziston, i cili në çdo vendim që merr vjedh pasuritë publike, buxhetin e shtetit, pasuron nomeklaturën e tij dhe varfëron qytetarët shqiptar.
Rama është bërë tellall kryesor i Beogradit në Europë, është bërë faktor destabiliteti në rajon me Ballkanin e Hapur, është vetëm Ballkan i Hapur për krimin, drogën, hegjemoninë serbe. Ka mbështetjen e Lavrov dhe George Soros”, tha Berisha.
Ai akuzoi Kryeministrin Rama se nuk mendon për bukën e gojës për të cilën vuajnë qytetarët, por bën udhëtime private me avion dhe kostot shkojnë deri në 300 mijë euro.
Berisha tha se Edi Rama jeton me një grup oligarkësh e qeveritarësh që vjedhin së bashku paratë e qytetarëve.
“E ka të zakonshme të thotë se në Shqipëri nuk vuan kush për kafshatën. I transformuar nga pushteti në një qenie, para 9 vitesh vraponte nga dyqani në dyqan dhe tregonte listat e ushqimeve në media.
Sot janë të trefishuara dhe sot thotë se në Shqipëri nuk ekziston problemi i kafshatës. Ky njeri i cili udhëton vetë me avion në dispozicion duke shpenzuar për një rrugë 300 mijë euro, në varësi nga distanca deklaron se ktu s’ka mungesa ilaçesh e ushqimesh.
Rama është i verbuar, jeton me një grup oligarkësh, grup qeveritarësh që vjedhin gjithë ditën së bashku”, tha Berisha.
