Deputeti Belind Këlliçi, në kuadrin e organizimit të strukturave për protestën e 7 korrikut, ka vijuar takimet me qytetarët në zonën e Kombinatit, atje ku ka marrë edhe mandatin e deputetit në zgjedhjet e 25 prillit.
Këlliçi shkruan në rrjetet sociale se ndodhet në një nga lagjet më të pazhvilluara e të varfëra të Tiranës, ku listat e borxheve në dyqanet ushqimore janë tema e parë e çdo bisede.
“Kombinati duhet të jetë në rresht të parë të protestës, se këtu varfëria ka goditur edhe atë që me pa të drejtë qeveria e quan “shtresë të mesme”.
Grupseksioni 1 i Degës së PD – Kombinat po punon shumë mirë me organizimin e pjesës së punës që u takon. Trupa politike e Partisë Demokratike ka zbritur në bazë, aty ku janë qytetarët, aty ku është Shqipëria reale.
#7korrik – Dita e protestës së madhe!”, shkruan Këlliçi.
