Monika Lubonja është një nga emrat e “showbizz”-it që i kushton gjithnjë shumë rëndësi pamjes së saj. Gjë që e vërtetoi edhe gjatë katër muajve që qëndroi në “Big Brother VIP”. Aktorja ishte thuajse gjithnjë e kuruar, duke i dhënë rëndësinë maksimale veshjes, flokëve dhe “make up”-it.
E duket se përkujdesjen ndaj pamjes së jashtme Monika “e ka në gjak” dhe nuk e bënte vetëm, sepse ishte nën syrin e kamerave për njëzetë e katër orë. “Panorama Plus” ka fotografuar aktoren në një prej bareve të Tiranës ku ajo shihet vetëm. Mirëpo, në vend të ndonjë kafeje a pije në duar ka disa “make up”-e. Siç mund të shihet në foto, aktorja është duke freskuar grimin e saj dhe nuk ka ngurruar që tualetet t’i vendosë në tavolinën e karrigen ku është ulur.
Sa i përket veshjes, Monika ka zgjedhur të bëjë një ndërthurje mes klasikes dhe sportives. Ajo ka zgjedhur të vishet totalisht me të zeza dhe “look”-u i saj përfshin një fund të zi dhe një xhaketë të zezë klasike.
