Në ambasadën e SHBA-së në Tiranë u zhvillua ceremonia me rastin e 4 korrikut, që përkon me 246-vjetorin e Pavarësisë së Shteteve të Bashkuara të Amerikës.
Në festën e organizuar nga ambasada amerikane ishin të pranishëm Presidenti Ilir Meta, Presidenti i zgjedhur Bajram Begaj, ish-kreu i PD-së, Lulzim Basha, kryeparlamentarja Lindita Nikolla e disa emra të rëndësishëm të politikës shqiptare.
Ndërkaq, ambasadorja Juri Kim mesa duket kishte vetëm Presidentin Meta për të mbajtur fjalimin përshëndetës dhe kjo gjë nuk i ka pëlqyer Kryeministrit Edi Rama.
Kreu i qeverisë u ka dërguar një mesazh ministrave socialistë që të largohen nga festa.
Ministrat u janë bindur SMS-së së Ramës, por bashkë me ta janë larguar edhe Veliaj, Alibeaj dhe Lulzim Basha.
Pas afro 10 minutash, në festën e Ambasadës Amerikane kanë mbetur vetëm Yuri Kim me Metën dhe disa të ftuar që nuk kishin lidhje me qeverinë.
Madje, edhe Basha i është bindur Ramës, duke u larguar së bashku me socialistët nga ceremonia e organizuar nga Ambasada e SHBA-së në Tiranë. /Syri Tv/
