Sadio Mane vjen në Mynih si një yll i klasit botëror. Por te Bajerni sulmuesi senegalez nuk do të jetë lojtari me më shumë tifozë në klub.
Në klasifikimin e ndjekësve në rrjetet sociale, 30-vjeçari renditet vetëm i katërti nga kampionët e Gjermanisë, me 28.2 milionë ndjekës në total: 11.6 milionë në “Instagram”, 200 mijë në “Twitter” dhe 16.4 milionë në “Facebook”.
Në vend të parë është Robert Levandovski me 52.5 milionë ndjekës në të triaa kanalet e rrjeteve sociale. Sulmuesi polak ndiqet nga kapiteni Manuel Nojer me 35.7 milionë dhe Tomas Myleri me 34.4 milionë. Leroi Sane ka vetëm gjysmën e ndjekësve të Manesë (14.2 milionë), ndërsa Joshua Kimish ka 12.4 milionë. Në “top-10” renditen Dejvis (9.2), Gnabri (7.7), Koman (7.2) dhe Pavar (4.8).
