Një jaht luksoz është shpëtuar mbrëmjen e djeshme, pas avarive që kishte në motor.
Është dashur ndërhyrja e Kapitenerisë së portit të Durrësit që lëshoi sinjalin SOS për të gjitha mjetet lundruese që ndodheshin pranë jahtit “Dartista 07”.
Thirrjes së Kapitenerisë Durrës iu përgjigj anija kontejnerike “Spirit of Chenal” që ndodhej pranë jahtit luksoz. Ajo bëri rimorkimin e tij dhe shoqërimin për në port.
Ngjarja ndodhi rreth orës 20:20 kur Kapiteneria e Portit Durrës mori thirrjen nga jahti “Dartista 07” që ndodhej rreth 20 milje larg Divjakës.
Nuk pati të lënduar dhe personeli i jahtit është në gjendje të mirë shëndetësore.
