Momente të tensionit janë shënuar dje në mbrëmje në një lokal në Fier.
Policia ka bërë kontrolle për paligjshmërinë, por se është ndeshur me rezistencën e katër të rinjve.
Për veprimet e tyre të dhunshme, të rinjtë, klientë në lokal, janë arrestuar.
“Specialistët për Hetimin e Krimit Ekonomik e Financiar në DVP Fier arrestuan në flagrancë, për veprën penale “Kundërshtimi i punonjësit të policisë së rendit publik”, shtetasit J. T., 20 vjeç, E. M., 23 vjeç, A. M., 22 vjeç dhe E. K., 20 vjeç, banues në Fier, pasi në një lokal në bulevardin “Ramiz Aranitasi”, 4 të rinjtë, të cilët ishin klientë në lokal, kanë kundërshtuar punonjësit e Drejtorisë Vendore të Policisë Fier, të cilët kanë qenë duke ushtruar kontroll për paligjshmëri, në këtë subjekt”, bën me dije policia.
