Shtatë punonjës të Kadastrës janë pezulluar nga detyra me kërkesë të prokurorisë së Tiranës pas hetimeve të kryera ndaj tyre për shpërdorim detyre, falsifikim dokumentesh dhe mashtrim.
Akuza bën fjalë për procedurën e ndjekur në legalizimin e godinës së një hoteli në “Myslmy Shyrr”, pranë qendrës së Tiranës, ku sipas prokurorisë, e gjithë praktika ka qenë e paligjshme.
Një qytetare ka kallëzuar se i është tjetërsuar prona. Bëhet fjalë për një hotel në qendër të Tiranës i cili ka qenë me çertifikatë pronësie por janë bërë letrat sikur ka qenë në proces legalizimi dhe i është tjetërsuar pronat, pra vendosur pronarë të tjerë.
Procesi i tjetërsimit nisi me deklarimin e djemve qytetares pronare e hotelit në zyrën e ALUIZNI-t se objekti ishte ndërtim pa leje gjë që nuk ishte e vërtetë pasi në vitin 1995 ky objekt ka qenë i pajisur me çertifikatë pronësie nga hipoteka në emër të ish bashkëshortit ë saj Beqir T.
Dy djemtë e saj, Elvisi dhe Endri Turtulli kanë deklaruar që është ndërtuar në vitin 1998 kur mosha e tyre ka qenë njëri 18 dhe tjetri 16 vjeç.
Dy djemtë akuzohen në këtë dosje për mashtrim.
