Breshër me përmasat e një veze ka rënë mbrëmjen e së martës (28 qershor) në Kastoria, Greqi, duke shkaktuar dëme të konsiderueshme në automjetet e parkuara, por edhe në të mbjellat e banorëve të zonës.
Ndër të tjera mediet lokale raportojnë se nga breshëri ka mbetur e lënduar një grua. Gruaja është lënduar në shpatull.
Një rast i ngjashëm ka ndodhur edhe në Lombardi, Itali.
Në zonën e Vareses kokrrat e breshërit ishin në madhësinë e kajsive dhe goditën rrugët e shtëpitë.
Mediet italiane shkruajnë se ishte e nevojshme ndërhyrja e borëpastrueseve.
