Me datën 7 korrik, Partia Demokratike dhe shoqëria civile, bashkv me grupet e interesit, kanë thirrur një protestë, në kuadrin e asaj që e quajnë si fronti i bashkuar kombëtar kundër regjimit të Edi Ramës.
janë me dhjetra kauza që janv artikuluar deri më tani sepse qytetarët duhet të protestojnë, një prej të cilave është edhe rritja e çmimeve, që varfëron çdo ditë qytetarët, ndërsa Qeveria po mbush arkën përmes TVSH-së, duke mbledhur më shumë të ardhura, të cilat më pas nuk përkthehen në rritje pagash e pensionesh, apo subvencione për qytetarët.
Por, deputetit të PS, Ilir Metaj, i duket e çuditshme që qytetarët të protestojnë për rritjen e çmimeve.
Në një intervistë për Faxnews, Metaj tha se kjo ishte një protestë pa qëllime dhe e dështuar akoma pa nisur. Mes të tjerash ai shtoi se çdo shqiptar me zgjuarsi mesatare e kuptonte se rritja e çmimeve nuk ishte alibi për këtë protestë.
“Kjo është një protestë pa qëllime, vetëm për njerëz që jetojnë në një univers paralel mbase alibia e rritjes së çmimeve mund të ishte qëllimi i bërjes së një proteste. Njerëzit me zgjuarsi mbi mesataren janë mjaft të qartë për këtë gjë”, tha ai.
Në fakt pas deklaratës së deputetit të PS, kauzave të hedhura deri më sot i duhet shtuar edhe një: që qytetarët të mos përfaqësohen në Parlament nga njerëz që e kanë nivelin e zgjuarsisë nën mesataren…
