Nga Graçanica patriarku serb Porfirije, në liturgjinë për përvjetorin e betejës së Fushë Kosovës, është shprehur se “ne e dimë se kur vijmë këtu, ne i jemi kthyer vetes, sepse këtu është Kosovë dhe Metohi, është vendlindja jonë, ne e kemi origjinën këtu, kemi lindur këtu”.
Paçka thirrjeve nacionaliste, kreu i Kishës Ortodokse Serbe ka theksuar se bashkëjetesa me shqiptarët është e domosdoshme dhe bëri thirrje për paqe dhe dashuri mes tyre.
“Ne jemi thirrur të jemi vëllezër me shqiptarët sepse jetojmë këtu me ta. Vetëm në bashkësi mund të jemi në rrugën e Zotit, që të gjithë jemi të nevojshëm për njëri-tjetrin, që askush nuk mund të bëjë asgjë pa askënd dhe se është e rëndësishme ta kuptojmë këtë, sepse ne e kemi përvojën e së kaluarës tonë. Të mos lejojmë që të tjerët të na mësojnë për këtë”.
