Nga Klodian Tomorri
Raporti i OKB per drogerat ka nje te dhene shume interesante. Shqiptaret kane arritur te bejne integrim te plote vertikal ne tregun e narkotikeve duke vene nen kontroll te gjitha hallkat e tregtimit nga importi, transporti, shitja me shumice e deri tek shperndarja me pakice. Tani kane jashte zinxhirit vetem prodhimin.
Pergjithesisht ne ekonomine reale nje produkt kalon permes disa hallkave me furnizues te ndryshem. Nje kompani prodhon lenden e pare, nje tjeter produktin gjysme te gatshem, kompania e radhes prodhon produktin e gatshem e keshtu me radhe. Keshtu funksionon dhe tregu i narkotikeve. Por keta e paskan ndryshuar.
Integrimi vertikal ka shume avantazhe. Se pari ul kostot. Se dyti te jep me shume kontroll mbi oferten dhe cmimet. Se treti, te jep mundesi te shpartallosh konkurrencen. Dhe se fundmi, per shkak te ketyre me siper te mundeson me shume fitime.
Tani llogariteni pak cfare impakti ekonomik ka kjo. Nese nje kile kokaine shitet 80-85 mije euro me pakice, dikur kjo vlere ndahej tek te gjitha hallkat e furnizimit. Nje pjese e merrnin prodhuesit, nje pjese importuesit, nje pjese tregtaret e shumices dhe pjesen e fundit shperndaresit me pakice. Tani thuajse e gjithe vlera, pervec prodhimit, merret nga e njejta dore. Ky eshte revolucion ne treg.
Cfare do te thote kjo? Ne Shqiperi do kete me shume importe Toyotash, me shume kompani betoni, me shume kulla, me shume hotele dhe madje edhe me shume investitore strategjike. Narkoeurot pompohen ne ekonomi duke fshehur dramen qe ndodh ne krahun tjeter. Sa me shume euro, aq me pak lope, dele dhe njerez do i dalin INSTAT-it vit pas viti.
