Tjetër risi te Vllaznia, Aurel Miloti është emëruar drejtori i ri teknik i klubit shkodran. Shkodrani do të jetë kështu zëvendësuesi i Matko Djarmatit, të larguar në fund të sezonit.
47-vjeçari do të mbajë këtë rol të rëndësishëm në klubin shkodran, teksa aktualisht është duke u marrë me merkaton e skuadrës kuqeblu. Miloti ka qenë si futbollist te Vllaznia në dy raste. Fillimisht, 47-vjeçari ka luajtur në vitet 1992-’94, ndërsa më pas, u rikthye në sezonin 1998-’99.
Në total, Miloti ka luajtur 65 ndeshje me Vllazninë, ku ka shënuar 15 gola. Kujtojmë që Miloti ka mbajtur dhe rolin e zv. trajnerit te skuadra e Vllaznisë, dhe e njeh mjaft mirë ambientin ne klubin shkodran.
