Dy grupe pasagjerësh shqiptarë u ndeshën me shqelma dhe grushte, përballë policëve të cilët me vështirësi arritën të rivendosin qetësinë dhe të shmangin më të keqen. Bilanci, në fakt, është dy të plagosur, njëri prej të cilëve u detyrua të kërkonte trajtim spitalor, ndërkohë u arrestuan edhe 8 persona, raportojnë mediat italiane.
Ka qenë ora 3 e pasdites, kur disa shtetas me origjinë shqiptare, të cilët shoqëronin bashkatdhetarët për të marrë fluturimin drejt Tiranës, janë takuar me një grup tjetër bashkatdhetarësh që ishin në radhë për check-in.
Për arsye ende të paqarta, mes dy grupeve u ngrit një diskutim i zjarrtë i cili degjeneroi në një përleshje të dhunshme.
