Greqia u trondit sot nga një ngjarje e rëndë, ku një grup të rinjsh shqiptarë sulmuan për vdekje një 42-vjeçar.
Mediat helene kanë publikuar edhe një video nga kamerat e sigurisë, që tregon momentin kur një makinë policie dhe ambulanca mbërrijnë në vendin e ngjarjes dhe e marrin 42 vjecarin për ta transportuar në spital.
Krimi ndodhi në orët e para të së dielës, në zonën e Rafinës në Athinë, kur 42-vjeçari ishte në një lokal me të dashurën e tij dhe dy persona të tjerë.
Në një moment, ai është larguar për në tualet dhe shqiptarët i kanë ngacmuar të dashurën.
Më pas ka nisur edhe konflikti, ndërsa të rinjtë me origjinë shqiptare e kanë rrahuar atë, madje e kanë goditur edhe me doreza hekuri, duke i shkaktuar plagë të rënda dhe hemorragji.
42-vjeçari grek ka rënë i gjakosur, ndërsa të rinjtë janë arratisur drejt plazhit të Rafinës. Policia po punon për identifikimin dhe kapjen e tyre.
