Një aksident i rëndë ka ndodhur pasditen e të premtes në Viale Veneto në Riccione, ku si pasojë është plagosur një shtetas shqiptar, për të cilin mediat italiane nuk kanë bërë të ditur identitetin.
Shqiptari raportohet se një kamionçinë kur për arsye të panjohura ka humbur kontrollin dhe ka dalë nga rruga duke u përplasur me një pemë. Si pasojë mjeti është shkatërruar plotësisht.
Shoferi, sipas raportimeve nga mediat italiane, ka dalë vetë nga mjeti i aksidentuar, por më pas është ndier keq. Ai është dërguar në spitalin Bufalini në Cesena me një helikopter që u ul në një fushë aty pranë vendit të aksidentit. Nuk dihet gjendja e tij.
