Deklaratat e Kryeministrit Edi Rama në Bruksel, i cili i irrituar nga mos hapja e negociatave me BE-në, sulmoi Bullgarinë, por edhe liderët e BE-së, vijon të shkaktojë reagime.
Së fundmi lidhur me deklaratat dhe qëndrimet e Ramës, ka reaguar edhe Ziadin Sela, i cili ka kritikuar ashpër Edi Ramën. Sela e konsideron si të panevojshme që Kryeministri shqiptar të bëjë avokati të hapur për Maqedoninë e Veriut dhe të prishë marrëdhëniet me Bullgarinë.
Gjithashtu ai akuzon Ramën se po bën avokati gjysëm të hapur ndaj Serbisë, e cila ka si kusht në integrimin europian, njohjen e pavarësisë së Kosovës.
