Garda e Republikës do të marrë në ruajtje godinën e Prokurorisë së Posaçme (SPAK) dhe GJKOO si dhe zyrat e Byrosë Kombëtare të hetimit.
Vendimi është marrë tashmë ndërsa pritet të zbatohet në ditët në vazhdim ku shërbimet e policisë që kanë ruajtur deri tani tri godinat e institucioneve të drejtësisë, do të zëvendësohen me efektivë të gardës.
Ky ndryshim i kalon automatikisht zyrat e SPAK, GJKKO dhe BKH-së në institucione të rëndësisë së veçantë.
Ditën e sotme, drejtues të gardës raportohet se kanë pasur takim me përfaqësues të prokurorisë e gjykatës së posaçme, për formalitetet e zbatimit të këtij vendimi.
