Deputeti socialist Erion Braçe vijon të thumbojë ministren e Bujqësisë, Frida Krifca, në sektorin që mbulon institucioni i saj.
Në rrjetet sociale, Braçe ka publikuar prodhimin e grurit në tokat e fshatit Këmishtaj, të cilat ishin lënë djerrë, ndërsa u morën me qira me financim të Kryqit të Kuq, dhe sot është prodhuar masivisht grurë.
“Gruri! Kur ke mend më shumë se një ministri e tërë!
Ja, magazinat plot!
Gruri u prodhua masivisht në tokat e Këmishtajt!
Ndërkohë, gruri i prodhuar është pronë e ekonomisë ndihmëse të Kryqit të Kuq Shqiptar!
Idea e projekti ishte teGjergj Legisit;
Tokat djerrë në Këmishtaj u morën me qira nga fshatarët, u mbollën e u shërbyen, prodhimi u ndoq nga agronomët vendas e një mik i mirë e i vjetër, Ndre Legisi, financimi i gjithi i Kryqit të Kuq;
Gruri bëhet miell e u shpërndahet familjeve të varfra, në nevojë për të zbutur varfërinë!
Tamam në kohë, në dy vitet më të vështira!”, shkruan Braçe.
