Zyrat e ALEAT në Vlorë prej 48 orësh, kanë mungesë të furnizimit me energji elektrike.
Kjo ka shkaktuar konfuzion dhe radhë të gjata.
Raportohet se OSHEE ka shkëputur energjinë elektrike për ALEAT, pasi këta të fundit janë debitorë ndaj shpërndarësit të energjisë elektrike.
Aleat Sh.p.k. (“Aleat”) është një kompani që operon në Shqipëri në bazë kontrate konçesioni të lidhur ndërmjet Ministrisë së Punëve të Brendshme të Shqipërisë dhe konsorciumit të IDEMIA SA (Francë) dhe Fondi Shqiptaro-Amerikan i Ndërmarrjeve (Shqipëri) për prodhimin dhe shpërndarjen e kartave të identitetit dhe Pasaportave biometrike për qytetarët shqiptarë.
