Shtëpia e lirisë së Iranit, shtëpia e shpresës dhe prosperitetit, e ka cilësuar ish-zv.Presidenti amerikan Mike Pence, kampin “Ashraf 3” në Manzë, ku janë strehuar mijëra muxhahedinë iranianë.
Pence tha se nuk flet në emër të Qeverisë amerikane, por të miliona amerikanëve, që ju mbështesin juve që luftoni për lirinë e Iranit.
“E di brenda zemrës sime, që shumica e amerikanëve, e dinë që në SHBA janë shumica e diasporës së Iranit. Ata e dinë se SHBA janë toka e lirisë, duke mbajtur përgjithmonë flakën e lirisë në përjetësi. Jemi krenarë për komunitetin amerikano-iranian”, tha Pence.
Ai theksoi se SHBA mbështet iranianët që luftojnë për liri, ndërsa falenderoi iranianët e strehuar në Ashraf3, për rezistecën dhe qëndrueshmërinë.
“Zemra e Amerikës është liria dhe nuk duhet të heshtim asnjëherë kur bëhet fjalë për lirinë”, tha Pence.
