Në një kohë kur Kryeministri Edi Rama flet për suksese dhe dhuron show e propagandë, apo tregon përrallat mbi favorizimin e fermerëve vendas edhe përmes nismës së Ballkanit të Hapur, duket se prodhimet vendase po përfundojnë të hedhura në kanale ose rrugë, pasi nuk gjejnë mundësi të futen në treg.
Në fundjavën e kaluar Rama u shfaq në një plantacion qershish në Dibër, nga ku foli për planet e qeverisë, ndërsa u pvrball me kërkesën që të mbështeste financiarisht fermerët, të cilët e dinin vetë se çfarë do të kultivonin.
Foto e mëposhtme e publikuar në rrjetet sociale i përket prodhimeve të qershisë në fshatin Stropcke.
“Tonelata qershi të kualitetit më të mirë nuk e gjetën dot rrugën e tregut. Në emër të gjithë atyre që ishin përgatitur për të nxjerrë në treg qershitë më të mira shprehim pakenaqësinë ndaj çdokujt që i takon të mbajë përgjegjësinë mbi situatën e krijuar.
Cdo familje minimalisht ka humbur edhe ato pak të ardhura që siguronin nga shitja e qershive. Ekonomia shtëpiake e lidhur ngushtë me bujqësine sot e nxjerr cdo familjar në rrugë të madhe.
I bëjmë apel qeverisë të levize rrjedhën e ekonomise se është jashtë çdo perceptimi që prodhimi vendas mos ketë treg, edhe çdo produkt tjetër i ardhur nga jashtë të tregetohet me çmime 5-fish më të larta”, thuhet në postimin që shoqëron foton.
