Aktorja dhe blogerja ukrainase, Elizabeth Vasilenko, e cila është shpërngulur në Rusi për të pasur një karrierë më të suksesshme, është kritikuar ashpër pasi ka deklaruar se do të ishte më mirë “të vdisje atje se sa në shtëpi”.
Elizabeth e bëri këtë deklaratë në muajin mars të vitit 2021, kohë kur trupat e presidentit rus, Vladimir Putin, ende nuk kishin nisur pushtimin në Ukrainë.
Deklarata e saj përfundoi duke e futur atë në listën e zezë në “Peacemaker” – një uebsajt ukrainas i cili emërton dhe turpëron ata që mbrojnë çdo ndjenjë pro-ruse.
Në momentin që nisi pushtimi rus në shkurt të këtij viti, 23-vjeçarja ka pranuar se i vinte “turp” për ato që kishte thënë dhe pretendoi se që atëherë ajo kishte ndryshuar opinionet e saj.
“Më vjen turp dhe kam vuajtur shumë urrejtje për këtë – po më ndjek tani për një vit. Unë e kuptova vërtet thelbin e asaj që kisha thënë kur filloi lufta”– tha aktorja.
